人多车多,空气污染严重

今日个个新闻媒体都喺度讲紧同一件事:限公务车。不过无论点讲,答案都好明显系「大只讲,口行行」。讲就天下无敌,做就有心无力。点解广州空气污染咁鬼犀利?有两个好重要嘅原因:车多、工地多。

最近几日因为春运走咗好多人,广州全城嘅塞车问题有望再次得到短时解决:年年都系喺过年嘅前几日开始,广州嘅马路变得好顺唔塞车,无论系搭巴士定系搭地铁都好「梳乎」,唔使同人迫,叹一次「国际化大都市」嘅「国际化交通」。之但系过完年之后一两日,广州交通又再打回原形:日日塞车、空气污染。

所以其实问题好简单,四个字讲嗮:人多车多(本来我想讲多四个字,不过谂过度过都系唔讲喇,费事有人话我「歧视」某啲人)。即系点呢?人系生嘅车系死嘅,始终都系𠮶句:发展公共交通。

我真系「唔明」,咁大个城市啲交通点解咁差㗎,明知有解决办法都唔做——抑或诈唔知呢?

4 thoughts on “人多车多,空气污染严重

  1. yenhifon

    在专制眼里,这是小事,不屑于做,会被其他奴隶主笑,何况草民生死有何关系,所以当然不管不听不知不理了。

评论功能已关闭。