May 032011
 

今晚TVS-2嘅《今日最新闻》讲咗有一条同落雨有关嘅新闻,本来好普通,毋需评论嘅。之但系就畀我见到一个镜头同一段话,搞到我真系无办法忍住把口。系乜嘢咁令我忍唔住呢?咪就系依段囉:

 
新闻短时雷暴 突袭羊城,大概喺0:56,一位女士除鞋行路

新闻解说重话,依位女士就醒目啦,识得除鞋行路。我一睇就觉得好鬼好笑,落大雨除鞋行路系为咗乜?有人话,落雨只鞋湿得滞行起身唔舒服,所以先至要除鞋;亦都有人话,啲雨水入嗮鞋里面,噏住噏住会风湿,所以要除鞋行路;更加有人话,只鞋喺牌子嘢,湿咗之后可能会烂,成只鞋废嗮,又或者洗鞋麻烦,于是乎索性除鞋行路。

睇到啲噉嘅理由就真系令人觉得好滑稽。行喺条路度,唔怕一万最怕万一,如果一个唔好彩踩咗落玻璃碎度,又或者踩到啲钉,到时候医返只脚嘅汤药费都唔少钱啦,兼且行动不便又要休养几日,嘥钱嘥时间,就算只脚唔痛荷包都痛啦。

呢嗱,都系同一条新闻,下边依位女士就做得最啱啦:

 
新闻短时雷暴 突袭羊城,大概喺1:21,一位女士着住鞋行路

为咗自己只脚,着住鞋行路最稳阵。

  One Response to “出街遇落雨赤脚行路?”

  1. 又系粤语网志、睇到好开心。

Sorry, the comment form is closed at this time.