亞殘運開幕

亞殘運會開幕式結束,雖然就無亞運開幕式咁精彩,不過畀面支持下殘疾人,開幕式都叫做合格啦。開幕式之後,7日嘅亞殘運就要開始,從另一個意義講,亞運會將於7日後完全結束。

等咗咁耐,總算「重見天日」。千祈無好再申請舉辦咩「盛會」,今次亞運已經係勞民傷財,「使錢」變「洗錢」,「整色整水」工程、豪華型暗啞路燈更換工程、正常路面重鋪工程、古建築翻新工程,洗錢如流水,億億聲噉洗,快過將啲錢掉落鹹水海。上一排有人話過想舉辦世博,後來無咗下文,聽講可能就噉「算數」唔搞。對我哋蒞講認真係個好消息。

亞殘運一結束,廣州全城即將恢復正常,不過空氣質素可能又再變差。無所謂啦,起碼啲景觀裝飾燈唔會再「光污染」我間房,瞓覺都舒服啲。