Dec 132010
 

亞殘運會開幕式結束,雖然就無亞運開幕式咁精彩,不過畀面支持下殘疾人,開幕式都叫做合格啦。開幕式之後,7日嘅亞殘運就要開始,從另一個意義講,亞運會將於7日後完全結束。

等咗咁耐,總算“重見天日”。千祈無好再申請舉辦咩“盛會”,今次亞運已經係勞民傷財,“使錢”變“洗錢”,“整色整水”工程、豪華型暗啞路燈更換工程、正常路面重鋪工程、古建築翻新工程,洗錢如流水,億億聲噉洗,快過將啲錢掉落咸水海。上一排有人話過想舉辦世博,後來無咗下文,聽講可能就噉“算數”唔搞。對我哋蒞講認真係個好消息。

亞殘運一結束,廣州全城即將恢復正常,不過空氣質素可能又再變差。無所謂啦,起碼啲景觀裝飾燈唔會再“光污染”我間房,瞓覺都舒服啲。

Sorry, the comment form is closed at this time.