Jan 252011
 

今日個個新聞媒體都喺度講緊同一件事:限公務車。不過無論點講,答案都好明顯係「大隻講,口行行」。講就天下無敵,做就有心無力。點解廣州空氣污染咁鬼犀利?有兩個好重要嘅原因:車多、工地多。

最近幾日因爲春運走咗好多人,廣州全城嘅塞車問題有望再次得到短時解決:年年都係喺過年嘅前幾日開始,廣州嘅馬路變得好順唔塞車,無論係搭巴士定係搭地鐵都好「梳乎」,唔使同人迫,嘆一次「國際化大都市」嘅「國際化交通」。之但係過完年之後一兩日,廣州交通又再打回原形:日日塞車、空氣污染。

所以其實問題好簡單,四個字講嗮:人多車多(本來我想講多四個字,不過諗過度過都係唔講喇,費事有人話我「歧視」某啲人)。即係點呢?人係生嘅車係死嘅,始終都係嗰句:發展公共交通。

我真係「唔明」,咁大個城市啲交通點解咁差㗎,明知有解決辦法都唔做——抑或詐唔知呢?

  4 Responses to “人多車多,空氣污染嚴重”

  1. 在專制眼裡,這是小事,不屑於做,會被其他奴隸主笑,何況草民生死有何關係,所以當然不管不聽不知不理了。

  2. 环保D,出门坐公交,坐地铁

Sorry, the comment form is closed at this time.