May 102011
 

半年前我曾經喺《It's done. Game's over.》「預測」過,石化可能又會起火。點知真係畀我講中,尋日中石化又發生爆炸,兼且造成有3名途人受傷,其中有1人重傷。

依間石油吸血公司真係無陰功囉,佢聯同中石油一齊漲價,10年來有升無跌,然之後大肆揮霍,公司內部有人貪污一概象徵性從輕發落。今次起火本來已經好鬼抵死啦,加埋上一次火燭,個個都暗中叫好,點知今次重剌着埋無辜嘅路人,睇幾時兩間油老鼠公司畀人格硬執笠、將啲錢全部沒收,再將啲油價壓翻落來。

將人哋當水魚噉撳,遲早畀人撳返轉頭,而且係一撳就大出血嗰種。

Sorry, the comment form is closed at this time.